donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Dr Javed Jamil
 
Share to Aalmi Urdu Ghar
* تحقیق ہے یہ مشکل سچ ہے کہ فسانہ ہے *

غزل 


ڈاکٹر جاوید جمیل
 
 
تحقیق ہے یہ مشکل سچ ہے کہ فسانہ ہے 
تاریخ کے کاغذ پر افسانہ بھی قصّہ ہے 
 
صدیوں کی خطاؤں کو کس طرح بھلائیں ہم 
جو لمحہ ملا ہم کو صدیوں کا ہی بچہ ہے 
 
حق مانگنے والوں سے یہ پوچھ کے بھی دیکھو 
کیا شے ہے حرام ان پر کیا انکا فریضہ ہے 
 
گفتار ترے لب پر، خاموش زباں میری 
وہ تیرا سلیقہ ہے، یہ میرا طریقہ ہے 
 
لڑنے سے ہو فرصت تو منجدھار سے ٹکرائیں 
ہیں جسکے کئی مانجھی یہ ایسا سفینہ ہے
 
اغیار کے باطل سے ہم پوری طرح غافل 
اور حق پہ ہمارے اب اغیار کا پہرہ ہے 
 
مطلوب ہیں کچھ وارث جاوید مجھے فورا
کر دوں میں عطا جنکو جو میرا خزانہ ہے

۸۸۸۸۸۸۸۸۸۸۸۸۸۸۸۸

 

 
Comments


Login

You are Visitor Number : 355