غزل
ڈاکٹر جاوید جمیل
 
شب وروز میں ہے ثبات کب
ہے مری حیات حیات کب
 
نہ پتہ چلا تری یاد میں
ہوئی صبح کب گئی رات کب
 
بھلا آتا کیا ترے خواب میں
ترا آئنہ مری ذات کب
 
 مرے دوست دیکھیں گے رشک سے
مرے ہاتھ میں ترا ہاتھ کب
 
کوئی بات اور کہاں ہوئی
ہوئی منقطع تری بات کب
 
 ادب و لحاظ، حیا، تمیز
نی نسل میں یہ صفات کب
 نہ ہی مشغلے نہ ہی ولولے
غم_ زندگی سے نجات کب
 
جو نکالتیں نئے زاویے
مری فکر میں وہ جہات کب
 
میں اگا رہا ہوں محبتیں
ملیں دیکھیے ثمرات کب 
*******