donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Dr Javed Jamil
 
Share to Aalmi Urdu Ghar
* آنکھیں مری , صورت تری , لب ہیں مرے , با& *
 غزل
ڈاکٹر جاوید جمیل 
(پہلے مجموعہ "رہگزر" ١٩٩٨ سے)

آنکھیں  مری , صورت  تری , لب  ہیں  مرے , باتیں  تری
دامن  مرا , خواہش  تری , دل  ہے  مرا , یادیں   تری
تجھ  سے  ہوئے    ہیں  دفعتاً  جذبات  وابستہ  مرے
آنسو  ترے , آہیں  تری , دھڑکن  تری , سانسیں  تری
کیا  کیا  تحائف  فکر  کو  میری  عطا  تو  نے  کئے
نغمے  ترے , نظمیں  تری , قطعے  ترے , غزلیں  تری
اے  پیکر_ ناز و  ادا , غم  سے  ترے  فرصت  کہاں  
دن  ہیں  ترے , راتیں  تری , شامیں  تری , صبحیں  تری
مظہر  ہزاروں  زاویے  تیری  اداؤں  سے  ہوئے
چلنا  ترا , ہنسنا  ترا , نخرے  ترے , باتیں  تری
اب  تو  یہی  ارمان  ہے  وہ  وقت  آئے  کاش جب
سر  ہو  مرا , زانو  ترے , چہرہ  مرا ,  زلفیں تری
الله  سے  مانگوں  تو  کیا  اسکو  تو  سب  معلوم  ہے
الفت  تری , حسرت  تری , سپنے  ترے , سوچیں تری
ہیں  کیا  فقط  میرے  لئے  عھد_ وفا  کی  سختیاں
وہ  کیا   ہوئے   وعدے  ترے , وہ  کیا  ہوئیں  قسمیں تری
جرات  کہاں  اتنی  کہ  میں  کچھ  کہتا  تیری  شان میں
ساتھی  ترے , محفل  تری , گلیاں  تری , راہیں  تری
آگے  تری  تلوار  ہے , پیچھے  کھڑی  دیوار  ہے
اسکے  سوا  چارہ  ہی  کیا , منظور  سب  شرطیں تری
جاوید  عشق_  یار  کے  بدلے  میں  تجھ  کو  کیا  ملا
آباد  وہ , برباد  تو , اسکی  ہنسی , آہیں تری 
******
 
Comments


Login

You are Visitor Number : 553