غزل
ڈاکٹر جاوید جمیل
 
میں اپنے خوں میں روانی تلاش کرتا ہوں
 ہے ضعف، پھر بھی جوانی تلاش کرتا ہوں
 
 ہر ایک لفظ مرا اس کے ہوش اڑا ڈالے
زباں کی شوخ بیانی تلاش کرتا ہوں
 
بناؤں ایسی عمارت، عجوبہ ہو جائے
وہ   ذوق_ شاہجہانی تلاش کرتا ہوں
 
سکھا گئی ہو جو راجہ کو اصل پیار ہے کیا
کہیں کتب میں وہ رانی تلاش کرتا ہوں
 
 نہ جس میں ایک بھی "ولین" کہیں نظرآئے
میں ایسی کوئی کہانی تلاش کرتا ہوں
 
نہ  ختم ہوگی مری جستجو قیامت تک
کہ آیتوں کے معانی تلاش کرتا ہوں
 
پھنسا ہے قافلہ صحرا کی دھوپ میں جاوید
میں سب کے واسطے پانی تلاش کرتا ہوں 
 
 
MaiN apne KHooN meiN rawani talash karta huN
Hai zof, phir bhi jawani talash karta huN
 
Har eik lafz mera us ke hosh uRa Da-le
zabaN meiN shoKH-bayani talash karta huN
 
banaaooN aisi Imarat, Ajooba ho jaye
wo zauq_e shahjahani talash karta huN
 
sikha gai ho jo raja ko asl pyar hai kya
kahiN kutub meiN wo rani talash karta huN
 
na jis meiN eik bhi vilyan kahiN nazar aaye
main aisi koi kahani talash karta huN
 
na KHatm hogi meri justuju qayamat tak
ke aayatoN ke ma’aani talash karta huN
 
phaNsa hai qafla saHra ki dhoop meiN javed
main sab ke waste paani talash karta huN
*****************