donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Dr Javed Jamil
 
Share to Aalmi Urdu Ghar
* مٹا نہ ڈالے مری ذات شام_ تنہائی *
غزل
جاوید جمیل
 
 
مٹا نہ ڈالے مری ذات شام_ تنہائی
غموں کی لائی ہے بارات  شام_ تنہائی
 
بنا کے چھوڑا ہے خاموش زندہ لاش مجھے
کہ مجھ سے کرتی نہیں بات  شام_ تنہائی
 
قصور اس کا ہے  یا میرا ہے، نہیں معلوم
نہ جانے کیسے لگی ہاتھ شام_ تنہائی
 
بجھی بجھی سی، غم آلود، شام سی آنکھیں
ملی ہے تجھ سے یہ سوغات،  شام_ تنہائی!
 
 تجھے بھی چھوڑ کے تنہائی بھاگ جائے گی
ترے بھی  بدلیں گے حالات،  شام_ تنہائی!
 
تو جائے گی تو قیامت کا دور آئے گا
بچی ہوئی ہے ابھی رات،  شام_ تنہائی!
 
غزل میں اپنی سمو لیجیے انہیں  جاوید
سمیٹ لائی ہے جذبات شام_ تنہائی 
********************
 
Comments


Login

You are Visitor Number : 498