GHAZAL

Wo qatra bil-yaqeeN husn-aafreeN hai
jo moti ban gaya hai tah-nasheeN hai

wo paTher aao sheeshoN me saja deiN
ta’alluq jin ka wahshat se nahi hai

andheri raat ka dhalkega aanchal
sehar hogi mujhey is ka yaqeeN hai

kisi ki ashk-zaa aankhoN se keh do
samander is tarah behta nahiN hai

musalsal aandhiyoN me aye charagho!
jale jaatey ho tum par aafreeN hai

wahan kab hai fareed us ki rasaaeee
jahaN meri nigaah-e-doorbeeN hai

———————