اظہار احمد گلزارؔ

   نعت

پیامِ خدا ہے پیامِ محمدﷺ
خُدا جانتا ہے مقامِ محمدﷺ

نہ ہو گا کبھی اُس کا ایمان کامل
نہیں دِل میں گر احترامِ محمدﷺ

اُسے حشر تک تشنگی نہ رہے گی
پِیا جس نے اِک بار جامِ محمدﷺ

محمدؐ کا رُتبہ میں کیسے بتائوں!
ہے عرشِ بریں زیرِ گامِ محمدﷺ

خُدا بخشتا ہے گناہ اُس کے سارے
پڑھے جو صلوۃ و سلامِ محمدﷺ

ملے دین و دُنیا کی دولت اُسی کو
عقیدت سے چُومے جو نامِ محمدﷺ

مقدر پہ اظہارؔ قربان جائوں
کہ میں ہوں غلامِ غلامِ محمدﷺ

***************