نعت
ڈاکٹر اظہار احمد گلزار
محمد کا جب سے ظہور ہو گیا ہے
یہ ظلمت کدہ نورو نور ہو گیا ہے
غلام اور آقا ہوئے سب برابر
بڑھائی کا بُت چِکنا چور ہو گیا ہے
جو تھا دل میں لوگوں کے تسلی تکبر
وہ اسلام آنے سے دور ہو گیا ہے
نہیں کوئی اللہ خدا کے سوا
عقیدہ یہ کامل حضور ہو گیا ہے
ز راہ تلتف کرو در گزر تم
جو بھولے سے سر زد قصور ہو گیا ہے
ہوا نعت لکھنے سے محسوس مجھ کو
طبیعت میں پیدا سرور ہو گیا ہے
بلایا محبت اپنے دَر پر بھی تُو نے
وہ خدمت میں حاضر ضرور ہو گیا ہے
خدا کی ہے مرضی ،محمد ؐ کی مرضی
مجھے اس کا پورا شعور ہو گیا ہے
محمدؐ کی اظہارؔ مدحت جو لکھی
وہ ذرہ بھی اب کوہِ طور ہو گیا ہے
*******************
