donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Gul Bakhshalvi
 
Share to Aalmi Urdu Ghar
* اُردو پریشاں ہے *

اُردو پریشاں ہے

گل بخشالوی

مری دہلیز پر محسن کھڑی ،اُردو پریشاں ہے
خودی کے خون پر شاید بڑی ،اُردو پریشاں ہے

تمہیں رہنا ہے گر مغرب میں تو تہذیب رہنے دو
اُسے دیتی ہے انگریزی تڑی، اُردو پریشاں ہے

چلا تھا آپ سے ،پھر تو ہوا ،اب یو‘بُلاتے ہیں
مرے بچوں کو انگریزی لڑی ،اُردو پریشاں ہے

میں ابا جی سے ڈیڈی بن گیا ،ماں جی بنی مما
کہاں پہ آکے ٹوٹی ہے لڑی ،اُردو پریشاں ہے

ادیب وشاعروں پر ناز تھا وہ بے وفا نکلے
گھروں میں اُن کے انگریزی لڑی ،اُردو پریشاں ہے

کبھی قومی زباں تھی میں ،کسی کے خواب کی دھرتی
مری آنکھوں میں آکر روپڑی ،اُردو پریشاں ہے

 کریں بچوں سے کیا شکوہ بڑے جوبن گئے بچے
بڑی کمزور ہے چھت کی کڑی ،اُردو پریشاں ہے

مرے دل کی نگر کی شاہ زادی تھی تو وہ پہلے
اب انگریزی کی آئی پھلجڑی ،اُردو پریشاں ہے

ہے ہندوپاک کی عظمت ،تہذیب وثقافت کی
زبانوں میں نگینے سا جڑی ،اُردو پریشاں ہے

ادیب وشاعروں ،اُردو کے متوالوں کی جنت میں
یہ گوروں کی زباں کیوں منہ چڑی ،اُردو پریشاں ہے

 بتاتی ہے تلفظ میں تری ،کمزوریاں بھی گل
تری آنکھوں میں اشکوں کی جڑی ،اُردو پریشاں ہے

 ٭٭٭

 

 
Comments


Login

You are Visitor Number : 427