donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Iftekhar Raghib
 
Share to Aalmi Urdu Ghar
* خواہشیں ہیں حصار کی صورت *
خواہشیں ہیں حصار کی صورت
تک رہا ہوں قرار کی صورت

صورتِ زندگی بدل دے گی
یہ تِرے انتظار کی صورت

ہو گئی موسمِ جدائی میں
چشمِ تر آبشار کی صورت

بھول پایا کبھی نہ گلشنِ دل
ایک جانِ بہار کی صورت

جانے کیا رہ گیا ہے سینے میں
چبھتا رہتا ہے خار کی صورت

بند کرتا ہوں دو گھڑی آنکھیں
دیکھ لیتا ہوں یار کی صورت

اپنے دلبر کی بے رُخی کے سبب
دل ہے اُجڑے دیار کی صورت

دیکھنے کو ترس رہے ہیں کئی
اس غمِ روزگار کی صورت

خاک کر دے نہ یہ ریاکاری
تجھ کو گرد و غبار کی صورت

ہر گھڑی دیکھنے کو جی چاہے
اہلِ صبر و قرار کی صورت

ذہن و دل میں ہے جانے کیوں راغبؔ
مستقل انتشار کی صورت
*****************
 
Comments


Login

You are Visitor Number : 356