donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Iftekhar Raghib
 
Share to Aalmi Urdu Ghar
* لطف دیتا ہے ستم پر ترا نازاں ہونا *
غزل

لطف دیتا ہے ستم پر ترا نازاں ہونا

کاش آئے نہ کبھی تجھ کو پشیماں ہونا

باعثِ رنج نہ ہو جائے یہ شاداں ہونا

اُن کی جانب سے تو باقی ہے ابھی ہاں ہونا

موت سے مل کے گلے سیکھ لو فرحاں ہونا

‘‘عیدِ نظارہ ہے شمشیر کا عریاں ہونا’’

میرا دل کہتا ہے روشن  ہےمرا مستقبل

چھوڑ دو حال پہ تم میرے پریشاں ہونا

پھڑپھڑاتے ہیں کہ ہو جاےٴ رہائ حاصل

کون چاہے گا بھلا زینتِ زنداں ہونا

تجھ کو معلوم ہے بستی ہے مری جاں تجھ میں

مجھ سے برگشتہ کسی دم نہ مری جاں ہونا

چاہئے معنی و مفہوم کی نیرنگی بھی

صرف کافی نہیں الفاظ کا چسپاں ہونا

ان کا اندازِ ستم بھی کبھی دیکھو راغبؔ

پھر مرے حال پہ انگشت بدنداں ہونا

افتخار راغبؔ

پوسٹ بکس: ۱۷۶۱۱ ، دوحہ۔قطر
 
Comments


Login

You are Visitor Number : 385