donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Iftekhar Raghib
 
Share to Aalmi Urdu Ghar
* کہا کہ آپ کو یوں ہی گمان ایسا ہے *

مکاالماتی غزل۔۔۔۔۔۔۔۔۔افتخار راغب

کہا کہ آپ کو یوں ہی گمان ایسا ہے
وہ بولے جی نہیں سچ مُچ جہان ایسا ہے

کہا کہ آئیے بس جائیے مِرے دل میں
وہ بولے آپ کے دل کا مکان ایسا ہے؟

کہا کہ پھولوں میں کیا خوب دل ربائی ہے
وہ بولے کیوں نہ ہو جب باغبان ایسا ہے

کہا کہ آپ تو رونے لگے غزل سن کر
وہ بولے آپ کا طرزِ بیان ایسا ہے

کہا کہ آپ کے جیسا کوئی حسین نہیں
وہ بولے آپ کو یوں ہی گمان ایسا ہے

کہا کہ آپ کے آنچل سی کوئی چیز ہے کیا؟
وہ بولے تاروں بھرا آسمان ایسا ہے

کہا کہ آپ تو راغبؔ کو بھی بھلا بیٹھے
وہ بولے وقت ہی نا مہربان ایسا ہے

۸۸۸۸۸۸۸۸۸۸۸۸۸۸۸۸۸

 
Comments


Login

You are Visitor Number : 383