* عہد نو میں قتال کی باتیں *
عہد نو میں
کے اشرف
عہد نو میں قتال کی باتیں
تیرے فکری زوال کی باتیں
ڈھونڈنا چاند دور بینوں سے
ہیں یہ تیرے کمال کی باتیں
قید ہے وقت تیری مٹھی میں
تیرے خواب و خیال کی باتیں
سینہ کوبی ہے تیرا دیں پیارے
اس پہ حسن و جمال کی باتیں
وقت نالاں ہے تیری منطق پر
کیا عروج و زوال کی باتیں
زندگی تجھ پہ ہنستی رہتی ہے
تیری باتیں کمال کی باتیں
تیری لیلیٰ تو دشت برد ہوئی
شوق سے کر وصال کی باتیں
*********
|