میں نے تجھ پر زندگی! احساں کیا
درد ہی کو اپنے جو درماں کیا

جتنی مدت چاہے اس گھر میں رہے
آرزو کو دل میں یوں مہماں کیا

ایک لمحے کی خوشی کے واسطے
خود کو برسوں زینتِ زنداں کیا

گرچہ میری جان پر بن آئی تھی
تجھکو لیکن میں نے جانِ جاں کیا

تو ذرا میری وفائیں بھی تو دیکھ
ہر دعا میں تجھکو ہی ارماں کیا

کیسا منظر ہے شکست و ریخت کا
تونے برپا بھی ہے وہ طوفاں کیا

تجھ پہ خوشترؔ لکھ گیا اتنی غزل
ان سے ہی تیار اک دیواں کیا

*****************