donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mansoor Khushtar
 
Share to Aalmi Urdu Ghar
* چارہ گر کو بھی نہیں زخم دکھایا میں  *

غزل
أ
چارہ گر کو بھی نہیں زخم دکھایا میں نے
بارِ احسان نہیں اس کا اٹھایا میں نے

میری غزلوں میں نہیں یاس کا پہلو کوئی
لطف خوشیوں ہی کا ناکامی سے پایا میں نے

تب کہیں جاکے ملاہے مجھے منزل کا سراغ
رہنما شوق کو جب اپنا بنایا میں نے

اس دم احساس ہوا دل کو تری قربت کا
جب بھی آنکھوں میں ترا نقش جمایا میں نے
 
اہل محفل کا عجب حال بھی دیکھا اس دم
تجھ سے منسوب جو نغمہ کوئی گایا میں نے

عزم سے اپنے کیا طاقِ یقیں کو روشن
بدگمانی کے بتوں کو ہے گرایا میں نے

اپنی دولت یہی ٹھہری ہے اگر اے خوشترؔ
درد فرقت کو گلے بڑھ کے لگایا میں نے

ڈاکٹر منصور خوشتر

ایڈیٹر’’ سہ ماہی’’دربھنگہ ٹائمسپرانی منصفی، ‘‘ دربھنگہ‘‘بہار (الہند)+9234772764

 

 
Comments


Login

You are Visitor Number : 370