کس کو دکھلا ؤں بھی اب خوابِ پریشاں اپنا
پھول کچھ سوکھے ہوئے اُ جڑا گلستاں اپنا

کوئی ایسا نہیں زخموں پہ جو مرہم رکھے
کوئی ہمدرد نہیں ،کوئی نہ درماں اپنا

زندگی بھر کی اکارت گئی نیکی اس کی
شیخ نے کھویا حسینوں میںہے  ایماں اپنا

میزبانی پہ تری آنچ نہ آنے دوں گا
تم بنا کے کبھی دیکھو مجھے مہماں اپنا

پر سشِ حال پہ بھی اس نے بچالی عزت
راز داں نکلا بڑا ،دیدۂ گریاں اپنا

اک وفاتیری تو سب کچھ نہیں میرے محبوب
شوق سے بڑھ کے ہے ناموس میری جاں اپنا

کچھ بہار وں کا نہیں احساں ہے ہم پہ خوشتر ؔ
ہم خزاں میں بھی کھلا لیتے گلستاں اپنا

**************