نعت شریف
ذکرِ نبی کسی کو سعادت کی بات ہے
میرے لئے مگر یہ عبادت کی بات ہے
پیغامِ حق، رسولِ خدا اور جبرئیل
یہ پیارے مصطفی کی رسالت کی بات ہے
عاصی کو بخشوائیں گے اپنے خدا سے آپ
یہ اُن کے اختیارِ شفاعت کی بات ہے
اسلام پھیلا آپ کے اخلاق ہی سے کچھ
اس میں نہ کوئی ظلم کا طاقت کی بات ہے
معراج سے نوازے گئے جو رسول پاک
اُن پر خداکے فضل کی رفعت کی بات ہے
گستاخی ان کی شان میں خوشترؔ نہیں کرو
کارِ گناہ بھی ہے یہ لعنت کی بات ہے
٭٭٭
MANSOOR KHUSHTER
Editor
darbhanga timespurani Munsafi
Darbhnaga Bihar 09234772764