Harf harf raT kar bhii aagahii nahiiN miltii,
aag naam rakhne se roshnii nahiiN miltii,
(harf : letter; aagahii gnosis)
sochne samajhne ko faasilaa hii behtar hai,
raat din kii qurbat se dostii nahiiN miltii,
(faasilaa : distance; qurbat : intimacy)
miiThii miiThii baatoN meN sirf sach nahiiN hotaa,
maslehat-pasandoN meN sar-kashii nahiiN miltii,
(sach : truth; maslehat-pasand : rational, pragmatic people; sar-kashii : tyranny)
aadmii se insaaN tak aa gaye to samjhoge,
kyuuN chiraaGh ke niiche roshnii nahiiN miltii,
be-libaas hone se bach gayaa to kyaa “Manzar”,
aaj gaaNv meN kal kii saadgii nahiiN miltii