khauf e duniya ke ... jo anjaam se jal jaate haiN
ishq meiN hoke woh naakaam se jal jaate haiN
sirf reh jaata hai ... ik zikr e muhabbat ... baaqi
raat meiN sham'a ke jo naam se jal jaate haiN
door-andesh bhi rehna hai zaroori leikin
log bekaar ke ... ibhaam se jal jaate haiN
jab se maaloom hua ... ... ... raat ko tu aayegaa
meri aaNkhoN ke diye shaam se jal jaate haiN
muskuraahaT ka faqat aana laboN par Farhat!
dil shikan log yeh paighaam se jal jaate haiN
Mohammed Farhathullah Khan
Jeddah, KSA
۸۸۸۸۸۸۸۸۸۸۸۸۸۸۸