dil hai taareek nahiN koi bhi aane waala
dard phir kaisa nahiN jab koi jaane waala
zulm taaqat ka tha kamzor akela mazloom
aadmiyat pa tamaacha tha zamaane waala
waalidain apne the yaadoN se jahaN waabasta
humne ghar bech diya woh hi ... puraane waala
daaman e sabr zara chhoD diya kya humne
ho gaya aur munazzam woh sataane waala
sabr chaTTan hai faulaad se baDhkar Farhat!
miT hi jaayega woh khud humko miTaane waala
Mohammed Farhathullah Khan "Farhat"