غزل

گمرہی آگہی ضروری ہے
یہ کبھی وہ کبھی ضروری ہے
چاندنی کا سراغ پانے کو
دھوپ سے دوستی ضروری ہے
خودسروں کو بھی راہ پر لائے
ایسی کچھ بندگی ضروری ہے
ظلمتِ شب بھی مانگتی ہے دعا
میرے گھر روشنی ضروری ہے
رہبری کو ہو اعتبار نصیب
اس لئے گمرہی ضروری ہے
منزلیں اس طرح نہیں ملتیں
کچھ تو دیوانگی ضروری ہے
دل سے مجبور ہوں مناظر میں
اس لئے شاعری ضروری ہے

 ڈاکٹر) منا ظر عاشق ہرگانوی)

Kohsar, Bhikanpur-3
Bhagalpur-812001 (Bihar)
Mob: 9430966156
بشکریہ ’’میر بھی ہم بھی‘‘	مرتب: مشتاق دربھنگوی
………………………