chitwan jo qahr ki hai to tewar jalal ke

matlab ye hai ki rakh de kaleja nikal ke

waiz se bahs-e-baada-o-paimana kya karu.n

kuchh log rah gae hai.n purane khayal ke

sau dagh jin ke lae hai.n zer-e-mazar hum

ehsan jata rahe hai.n wo do phul Dal ke

phir DhunDhta hai dil khalish-e-khaar-e-arzuu

pachhta raha hu.n dil se ye kanTa nikal ke

ye gham-kada hai is mei.n 'mubarak' khushi kaha.n

gham ko khushi bana koi pahlu nikal ke

۸۸۸۸۸۸۸۸۸۸۸۸۸۸