Aankho-n mein kisi khwab ke naqshey nahi.n rukte

Ye dil bhi ajab hai jaha-n jazbe nahi-n rukte

Ye zindgi wo aaina khana hai jaha-n par

Umrei-n bhi guzar jayei-n tou chehre nahi-n rukte

Jaane laga wo shaqs mujhe chhorr ke phir bhi

Kyon jaane tere shehr ke raste nahi-n rukte

Yaado-n ke talatum mein kise dhoond rahe ho

Shakho-n se bichhar kar kabhi patte nahi-n rukte

Har shay wahi-n maujood hai wo pehle jaha-n thi

Jo tu ne kiye bas wohi wade nahi-n rukte

Jo mere liye qeemti daulat ki tarha-n hain

Wo lamhe kisi taur bhi roke nahi-n rukte

Hum chhor tou dete ye kanara magar ANJUM

Darya mein sarabo-n ke jazeere nahi-n rukte

**********************