donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushafi Gholam Hamdani
 
Share to Aalmi Urdu Ghar
* بات کو میری الگ ہو کے نہ شرماؤ سنو *

بات کو میری الگ ہو کے نہ شرماؤ سنو

کچھ کہا چاہوں ہوں میں تم سے ادھر آؤ سنو

میں تو جانے کا نہیں رو بہ رو اس کے یارو

کچھ وہ گر تم سے کہے ہے تو تمہیں جاؤ سنو

چھیڑنے کو مرے گر آپ کا جی چاہے ہے

بے ادب ہوں میں مرے حق میں جو فرماؤ سنو

بات بھی مانو کسی کی کوئی یہ بھی ضد ہے

اپنے عاشق کے تئیں اتنا نہ ترساؤ سنو

گل صنوبر کا اگر قصہ ہے تم پاس میاں

پڑھنے والا بھی تو موجود ہوں میں لاؤ سنو

اے دل و دیدہ مآل اس کا برا ہی سمجھو

دیکھ کر اس کے تئیں اتنا نہ للچاؤ سنو

مصحفیؔ بات تو کہنے دو ذرا قاصد کو

پہلے ہی حرف میں تم اتنا نہ گھبراؤ سنو


۸۸۸۸۸۸۸۸۸۸

 

 

 
Comments


Login

You are Visitor Number : 189