donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushafi Gholam Hamdani
 
Share to Aalmi Urdu Ghar
* بحث اس کی میری وقت ملاقات بڑھ گئی *

بحث اس کی میری وقت ملاقات بڑھ گئی

باتیں ہوئیں کچھ ایسی کہ بس بات بڑھ گئی

بولا نہ مرغ صبح نہ آئی صدائے آہ

یارب شب فراق کی کیا رات بڑھ گئی

اصلاح بھی ضروری ہے اب اس کی شیخ جی

داڑھی تمہاری قبلۂ حاجات بڑھ گئی

پہنچے تھا اپنا دست ہوس جس پہ گاہ گاہ

وہ شاخ میوہ دار بھی ہیہات بڑھ گئی

شملہ رکھا جو دوش پہ لنگور کی سی دم

کیا اس میں شیخ جی کی کرامات بڑھ گئی

جس دن سے ان پہ پردۂ پوشیدگی پڑا

اس دن سے قدر عالم جنات بڑھ گئی

دیں گالیاں جو تو نے صنم اک غریب کو

کیا گالیاں دیے سے تری ذات بڑھ گئی

دے مصحفیؔ کو نعمت و دولت تو اے کریم

تا سب کہیں کہ اس کی اب اوقات بڑھ گئی


۸۸۸۸۸۸۸۸۸۸۸۸۸۸
 

 
Comments


Login

You are Visitor Number : 164