donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* کیا لکھوں تعریف تیری خالقِ کون و م *

کیا لکھوں تعریف تیری خالقِ کون و مکاں
شان و عظمت جب تری ہے ذرے ذرے سے عیاں


یہ حسیں دلکش نظارے اور یہ رنگیں سماں
نور سے تیرے ہی یارب بزم گیتی ضوفشاں

سب تری تسبیح میں مصروف ہیں صبح و مسا
حور و غلماں ہوں کہ ہوں جن و بشر ، کروبیاں

دونوں عالم کی ہر اک شئے حکم کے تابع ترے
تیرے قبضے میں ہے مولیٰ یہ زمین و آسماں

خوف لاحق کیوں ہو مجھ کو رنج و غم کی دھوپ کا
جب تری رحمت ہے میرے سر پہ بن کر سائباں

لحن دائودی میں تیری خوش کلامی کا اثر
اور عکسِ حسنِ تیرا حسنِ یوسف میں عیاں

سنگریزوں نے بھی تیرے نام کا کلمہ پڑھا
جب عطا کی تونے یارب بے زبانوں کو زباں

پڑھ کے بسم اللہ جب تھاما قلم مشتاقؔ نے
صورتِ مہرِ درخشاں ہوگیا حسنِ بیاں

***********

 
Comments


Login

You are Visitor Number : 515