donateplease
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* بے کلی دل پہ جب مہرباں ہوگئی *
بے کلی دل پہ جب مہرباں ہوگئی
ایک اک سانس بارِ گراں ہوگئی

گفتگو گفتگو سے نہ آگے بڑھی
کوششِ دوستی رائیگاں ہوگئی

جسم یوں غم کے شعلوں میں جھلسا مرا
زندگی مثلِ دشتِ تپاں ہوگئی

کردیا وقت نے مجھ کو بوڑھا مگر
آرزو تیرے دل کی جواں ہوگئی

جو بھی پہنچا وہاں وہ وہیں رہ گیا
جانے کیا بات اب کے وہاں ہوگئی

اب تو دشمن بھی دم اِس کا بھرنے لگے
کتنی پیاری یہ اردو زباں ہوگئی

لٹ گیا میری اُمید کا گلستاں
ہر کلی دل کی نذرِ خزاں ہوگئی

جب سے مشتاقؔ وہ بدگماں ہوگئے
زندگی مجھ پہ نامہرباں ہوگئی
******************
 
Comments


Login

You are Visitor Number : 251