rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* رات پونم کی جب بھی آتی ہے *
رات پونم کی جب بھی آتی ہے
یاد اُس کی بہت ستاتی ہے

اک پپیہے کی پی کہاں کی صدا
آگ دل میں مرے لگاتی ہے

تم خیالوں میں جب بھی آتے ہو
نیند آنکھوں سے روٹھ جاتی ہے

کوئی اپنا نظر نہیں آتا
بے بسی جب گلے لگاتی ہے

مسکرا کر نہ دیکھئے ایسے 
یہ ادا دل پہ قہر ڈھاتی ہے

مست آنکھوں کا اُن کی کیا کہنا
روح سرشار ہوتی جاتی ہے

ہم بھی مشتاقؔ چپ نہیں رہتے
بات انصاف کی جب آتی ہے

*****************
 
Comments


Login

You are Visitor Number :