rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* جس نے مرا گھر لوٹا ہوگا *
جس نے مرا گھر لوٹا ہوگا
میرا ہی ہمسایہ ہوگا

ندی نالے بول رہے ہیں
جھوم کے ساون برسا ہوگا

دیکھ کے کھیتوں کی ہریالی
دل دہقاں کا ہنستا ہوگا

سب سے ہنس کر ملتے رہئے
آپ کے حق میں اچھا ہوگا

دیکھ کے اُن کی بھولی صورت
شرمندہ آئینہ ہوگا

بن جائے فرعون اگر وہ
پھر اک موسیٰ پیدا ہوگا

قطرے کو قطرہ مت سمجھو
قطرہ قطرہ دریا ہوگا

چاروں طرف ہے عریاں منظر
کس کو خبر تھی ایسا ہوگا

روٹھ گئے مشتاقؔ وہ مجھ سے
سوچ رہا ہوں اب کیا ہوگا
****************
 
Comments


Login

You are Visitor Number : 273