donateplease
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Mushtaque Darbhangwi
 
Share to Aalmi Urdu Ghar
* چوٹ جو دل پر لگی وہ سہہ گئے *
چوٹ جو دل پر لگی وہ سہہ گئے
بے زباں ہوکر ہم آخر رہ گئے

یوں گھٹا برسی تمہارے پیار کی
پیار کے سیلاب میں ہم بہہ گئے

زیست کی پگڈنڈیوں پر صبح و شام
ہم خوشی کی راہ تکتے رہ گئے

پھیر لی اُس نے نظر تو کیا ہوا
چند قطرے آنسوئوں کے بہہ گئے

جن پتنگوں میں تڑپ تھی وصل کی
شمع کی لَو میں وہ جل کر رہ گئے

ہم تو بس اُس غیرتِ ناہید کا
ہر ستم ہنس ہنس کے دل پہ سہہ گئے

اُن کو اے مشتاقؔ ہم جو کہہ نہ پائے
وہ کنائے کی زباں میں کہہ گئے
**************
 
Comments


Login

You are Visitor Number : 302