نظم
ازڈاکٹرراحتؔ مظاہری٭
09891562005
عید الفطر
چنداماما,لائے شام
سب کو خوشیوں کا پیغام
بچّو! کل ہے میٹھی عید
ہرپَل تھی جس کی اُمید
چہروں پرخوشیوں کانور
ہرغم، ہم سے کوسوں دُور
نہا،دھوکر سب بچّے پاک
پہنیں گے ،عمدہ پوشاک
اَچکن،پہنے جب حَسْنَین
شرمِندہ ہوں جنٹل مَین
نازِش،بُشریٰ اورمرغوب
شِیر،سوَیّاں، کھاؤخوب
جوپیسے میںہیں کمزور
اُن کابھی ہے تم پر زور
مِسکینوں کی، کرنافِکر
دینا،ان کو ،صدقہ فطر
جاکرپڑھنا ،دورکعات
رب سے کہنااپنی بات
سب کے مالک ،پالنہار
خوش حالی سے بھَر،سنسار
ہر دن ہو،ایساتہوار
جس میں بانٹوںسب کو پیار
٭چیف ایڈیٹر،دعوت وتبلیغ،دہلی
****************