darpai-e-umr-e-rafta hoo.n yarab
har-dam az-khud guzishta ho.n yarab
kya hu.n maqbul-e-tab-e-ahl-e-sukhan
ek mazmun-e-basta hoo.n yarab
kya dikhau.n mai.n apne jauhar aah
shakl-e-tegh-e-shikasta hoo.n yarab
apni kam-fursati kahu.n kya aah!
aah az-sina jasta hoo.n yarab
pani pani hoo.n jis ko dekh jahim
soz-e-gham se wo tafta hoo.n yarab
dekho kya ho ki wa.n hai naz-e-ghurur
mai.n ye ahwal-e-khasta hoo.n yarab
**************