donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Qalandar Bakhsh Jurat
 
Share to Aalmi Urdu Ghar
* dud-e-atish ki tarah ya.n se na Tal jau.nga *

dud-e-atish ki tarah ya.n se na Tal jau.nga

shama-san mahfil-e-jaana.n hi mei.n jal jau.nga

dur se bhi use dekhu.n to ye chitwan mei.n kahe

aa ke dide abhi talwo.n tale mal jau.nga

dil-e-muztar ye kahe hai wahi.n le chal warna

toD chhati ke kiwaDo.n ko nikal jau.nga

main hun khurshid-e-sar-e-koh yaqi.n hai ki wo mah

aaega baam pe tab jab ki mai.n Dhal jau.nga

aaj bhi koi na le jaega wa.n mujh ko to bas

kal nahi.n hai mujhe mai.n ji hi se kal jau.nga

wa.n se uThta hun to kahta hai ye pa-e-raftar

jab zami.n par tu rakhega mai.n phisal jau.nga

ba-khuda husn-e-buta.n ka yahi sab se hai kalam

wo chhalawa hu.n ki tum sab ko mai.n chhal jau.nga

aa ke barso.n mei.n wo mujh pas ye shab kahne lage

ya.n Thaharne mei.n bahut se hai.n khalal jau.nga

tegha qatil ka kahe hai ki duwali bandu

muTh ki tarah se tum sab pe mai.n chal jau.nga

go mizaj is ka ye badla ki kahe hai mujhe yu.n

dekho tum aae to mai.n ghar se nikal jau.nga

par raha jaega kab hai meri haalat taghir

yu.n na jau.nga to mai.n bhes badal jau.nga

'jurat' ashaar-e-junu.n-khez kah ab aur ki mai.n

le ke ye turbat-e-sauda pe ghazal jau.nga

******************


 

 
Comments


Login

You are Visitor Number : 213