hamei.n dekhe se wo jita hai aur hum us pe marte the

yahi raate.n thii.n aur baate.n thii.n wo din kya guzarte the

wo soz-e-dil se bhar lata tha ashk-e-surkh aaankho.n mei.n

agar hum ji ki bechaini se aah-e-sard bharte the

kisi dhaDke se rote the jo baham wasl ki shab ko

wo hum ko mana karta tha hum us ko mana karte the

mili rahti thii.n aanhke.n ghalba-e-ulfat se aapas mei.n

na khauf us ko kisi ka tha na hum logo.n se Darte the

so ab sad-haif us khurshid-ru ke hijr mei.n 'jurat'

yahi raate.n hai.n aur baate.n hai.n wo din kya guzarte the

*****************