donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Qalandar Bakhsh Jurat
 
Share to Aalmi Urdu Ghar
* misl-e-aina ba-safa hai.n hum *

misl-e-aina ba-safa hai.n hum

dekhne hi ke aashna hai.n hum

nahi.n dono.n jaha.n se kaam hamei.n

ek faqat tere mubtala hai.n hum

dekh sae ki tarah ai pyare

sath tere hai.n aur juda hai.n hum

Tuk tu kar rahm ai but-e-be-raham

aakhirash banda-e-khuda hai.n hum

zulm par aur zulm karte ho

is qadar qabil-e-jafa hai.n hum

jun saba nam ko to hai.n hum log

lek dekha to ja-ba-ja hai.n hum

zulfe.n kahti hai.n us ki, aashiq ke

mar lene ko to bala hai.n hum

jab se paida hue hai.n ju.n aflak

aah gardish hi mei.n sada hai.n hum

hum bhi kuchh chiiz hai.n miya.n lekin

ye nahi.n jaante ki kya hai.n hum

shoala-e-na-tawa.n ki manind

hath mei.n tere ai saba hai.n hum

gar yahi hai hawa yaha.n ki to aah

ab koi aa.n mei.n hawa hai.n hum

tu jo kahta hai har ghaDi tere

dekhne se bahut khafa hai.n hum

kya kare.n yar tu hi kar insaf

tujh pe mail nahi.n hai.n ya hai.n hum

dil ke hatho.n se ai miya.n 'jurat'

zindagani se bhi khafa hai.n hum


***************

 

 

 
Comments


Login

You are Visitor Number : 196