* ghar laut k jae'n ge tu pae'n ge amaa'n bhi *
"GHAZAL"
ghar laut k jae'n ge tu pae'n ge amaa'n bhi
aankhoo'n ki thakan krnay lagi raaz aya'n bhi
you'n dil na baharoo'n se laga 'o k suna hai
rastay me mohabbat ke hai ik ehd e khiza'n bhi
gr tujh se ulajhti hai'n nigahai'n tu bura kya?
is dil me teri chah ka rehta hai guma'n bhi
badlay huay mausam ko koi jaa k batay
nazroo'n k badalnay se badalta hai samaa'n bhi
barish me na beh jaye mera kacha gharonda
bikhra hai jo is baar yeh khwaboo'n ka nishaa'n bhi
ab kon wafaoo'n ka talabgaar yaha'n hai
is dil me na 'darad hai jo ehsaas e zia'n bhi
shaista mufti
|