"GHAZAL"

Rooh ka taranam tha geet tha hawao'n ka

khwab naak manzar mein raqs apsraao'n ka


Pur shukooh perro'n se badlon ki sarhad tak

gonj tery lehjy ki ,aks un wafao'n ka

 

Barf k qabeelay mein khwab bechny wala

Shayri k lehjy mein roop hay duao'n ka

 

Bekali mery dil ki lay chali thi jangle mein

Dour tak darakhto'n per raaj tha khizaao'n ka

 

Ik muheeb tanhai rooh mein thitherti hy

Hay udaas her bacha aaj mery gaao'n ka

 
kyo'n tumhari mehfil mein yak nafs khamoshi hay

Zouq e khush udasi mein dhal gya nawaon ka

 
.Shaista Mufti ..