donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Shaista Mufti Farrukh
 
Share to Aalmi Urdu Ghar
* بکھرے بکھرے سے زندگی کے ورق *
بکھرے بکھرے سے زندگی کے ورق


بکھرے بکھرے سے زندگی کے ورق
تیرے ہاتھوں میں دے رہی ہوں میں
ایک الجھی ہوئی کہانی کو
اِک نیا موڑ دے رہی ہوں میں

کاش تو ہر نفس اُداسی کو
جان جائے کہ یہ اُداسی ہی
میرے ہر لفظ میں جھلکتی ہے
میری ہر سانس میں مہکتی ہے
ایک الجھن کہ جو سلجھتی ہے
ایک دھڑکن کہ جوسنبھلتی ہے

بکھرے بکھرے سے زندگی کے ورق
اُڑتے پھرتے ہیں یوں دریچوں میں
جیسے اِس بام پر ترا چہرہ
کوئی پھر ڈھونڈنے کو نکلا ہے
ترکِ الفت کے پھول چن چن کر
پھر کوئی دل بہت اکیلا ہے

بکھرے بکھرے سے زندگی کے ورق
سوچتی ہوں کہ اِک جگہ کرلوں
شکل کوئی جو ہوسکے دے دوں
اپنے افکار کی خموشی کو
شاعری کی مدھر صدا دے دوں
نغمۂ شام کی ادا دے دوں

بکھرے بکھرے سے زندگی کے ورق
تیرے ہاتھوں میں دے رہی ہوں میں
******


 
Comments


Login

You are Visitor Number : 312