آواز دے کے تجھ کو ترے شہر سے گئے
کوچے میں روز و شب تھے ترے مہر سے گئے

موزوں ہوئے تھے شعر ترے ہی خیال سے
جو تو نہیں تو شعر مرے بحر سے گئے

اک چاپ دل دھڑکنے کی معدوم کیا ہوئی
احباب مجھ کو چھوڑ مرے شہر سے گئے

کچھ تو تری وفا تری الفت پہ مرمٹے
کچھ خوش گمان لوگ ترے قہر سے گئے

غیروں کے گھر میں روشنی کرنے کے شوق میں
اپنے ہی بام و در تھے مرے سحر سے گئے

جنگل کے راستوں میں کوئی بھی نشاں نہیں
شاید مرے خیال کسی لہر سے گئے
*****