غزل --- -شکیل بدایونی 
------------------------

میری زندگی ہے ظالم ترے غم سے آشکارا 
تیرا غم ہے در حقیقت ، مجھے زندگی سے پیارا

تو اگر برا نہ مانے تو جہان_رنگ و بو میں 
میں سکون_دل کی خاطر ، کوئی ڈھونڈھ لوں سہارا 

میں اسی میں سرخرو ہوں کہ محبّتوں کی بازی 
وہ قدم قدم پہ جیتے ، میں قدم قدم پہ ہارا.

میں یہ کیا بتاؤں ناصح جو ہے فرق تجھ میں مجھ میں 
میری زندگی طلاطم ، تیری زندگی کنارا

مجھے آ گیا یقیں سا کہ یہی ہے میری منزل 
سر_راہ  جب کسی نے مجھے دفعتا" پکارا 

کوئی اے  شکیل دیکھے ، یہ جنوں نہیں تو کیا ہے 

کہ ا'سی کے ہو گیے ہم جو نہ ہو سکا ہمارا 

========================

مرسلہ ....سعود صدیقی