* Ab pesh kya karu'n mai'n tumhaari janaab me'n... *
Ab pesh kya karu'n mai'n tumhaari janaab me'n...
Kuchh bhi nahi'n bacha dil-e-khaana kharaab me'n
Har shakhs mujh se poochhta rahta hai kaun hu'n..?
Ek umr kat gayi hai sawaal-o-jawaab me'n...........
Ab tak dil-o-dimaagh se khushbu nahi'n gayi..........
Ek phool rakh diya tha kisi ne kitaab me'n..............
Khushiaa'n bahut mili hai'n mujhe aa'nsuo'n ke saath
Kuchh apna gham bhi daal do mere hisaab me'n......
Shaayad isi wajah se abhi tak jawaan hu'n..............
BoodhaRa sa ho gaya tha mai'n ahd-e-shabaab me'n
Dariya mujhe pukaarta rahta tha roz-o-shab.............
Lekin paRa raha wahi'n dasht-e-saraab me'n............
Phir us ke baad nee'nd na aayi mujhe 'shamim'........
Ek shakhs aa gaya tha kabhi mere khaab me'n.........! |