Yu'n dekhna me'n lagta hai apne hi ghar me'n hai
lekin khuda gawaah mosalsal safar me'n hai........!
Sahra ki wusato'n me'n na shaam-o-sahar me'n hai
mera junoon-e-shauq to raqs-e-sharar me'n hai.....!
Dil chaahta hai hijr ki raate'n taweel ho'n...............
lutf-e-wasaal-e-yaar meri chashm-e-tar me'n hai....!
Manzil use hi dhoondti phirti hai har jagah.............
ek shakhs jo azal se safar hi safar me'n hai............!
Kya kijiye ke log hi ujlat pasa'nd hai'n....................
lutf-e-safar wagarna rah-e-purkhatar me'n hai........!
Yu'n to tamaam raat wo'h jalta hai shauq se............
lekin bala ka soz chiraagh-e-sahar me'n hai..............!
Parwaaz ban ke rah gayi ek khaahish-e-fazool...........
waise bala ka zor mere baal-o-par me'n hai...............!
Uski nazar me'n kaun hai iski nahi'n khabar................
bas itna jaante hai'n hamaari nazar me'n hai...............!
Kuchh pesh yu'n to ho gaye ahwaal-e-dil 'shamim'.......
baaqi jo rah gaya hai wo'h khoon-e-jigar me'n hai.......!