Din kat gaya to raat ki talwaar gir paRi........
Yaado'n ke beech waqt ki deewaar gir paRi..!
Bachche ne nanhe haath me'n patthar utha liya
Baar-e-haya se shaakh-e-samardaar gir paRi..!
Deewaar-e-jism-o-jaa'n ko kahaa'n tak sa'nbhaalta
Ek baar mai'n gira to ye'h sau-baar gir paRi.....!
Ai shaikh-e-mohtaram! tujhe is ki khabar bhi hai..
Jhukna paRe ga phir tujhe dastaar gir paRi.......!
Kashti se khud utar gaya ma'njhdaar me'n 'Shamim'
Aisa nahi'n ke haath se patwaar gir paRi...........!!
******