Khule rahe'n ge makaano'n ke saare dar ab-ke
Koyi na laut ke jaaye ga apne ghar ab-ke........!
Haseen rut hai magar kaun ghar se nikle ga......
Har ek badan me'n samaaya hua hai dar ab-ke..!
Gali me'n ghoomte phirte hai'n chau'nkte saaye..
Rah-e-hayaat hui kitni pur-khatar ab-ke..............!
Qadam qadam pe ghane ped chhaao'n ki khaatir..
Kuchh aur sakht hua dard ka safar ab-ke.............!
Dhuaa'n ugalti hui raat kah rahi hai 'Shamim'........
Kisi makaa'n ko na chhode ga ye'h sharar ab-ke..!!
**************************************