* Rote rote thak gaya tab jaake nee'nd aayi to kya.. *
Rote rote thak gaya tab jaake nee'nd aayi to kya..
Alwidaayi saa'ato'n me'n raat sharmaayi to kaya..!
Raat hi jab so gayi kaali ghata chhaayi to kya....
Aur aise me'n kisi ki zulf lahraayi to kya...........!
Dil se naqsh-e-narasaayi bhi kahi'n mitne ko hai..
Aaj ji bhar ke hui meri pazeeraayi to kya............!
Ek mosalsal gham hi kaafi hai Khuda qaayam rakhe..
Izzat-o-naamoos haasil ho ke ruswaayi to kya..........!
Mai'n to khud hi ha'ns raha hu'n aap apne haal par...
Dosto tum ko agar mujh par ha'nsi aayi to kaya..........!
Mai'n zabaa'n-bandi ka qaayal hu'n mujhe kya waasta..
Karda'h na-karda'h gunaaho'n ki ho shunwaayi to kya...!
Mai'n to apne dil ki duniya me'n bahut masroor hu'n....
Laakh wo'h kahta phire ab mujh ko harjaayi to kya....!
Ajnabi nazro'n se mujh ko dekhta hai aaj bhi.......
U's se barso'n ki hai gar meri shanasaayi to kya...!
Mai'n ne jab saare dareeche ba'nd kar daale 'Shamim'..
Ab kisi mausam ke aane ki khabar aayi to kya..............!!
**** |