donateplease
newsletter
newsletter
rishta online logo
rosemine
Bazme Adab
Google   Site  
Bookmark and Share 
design_poetry
Share on Facebook
 
Shamim Farooqui
 
Share to Aalmi Urdu Ghar
* Mera rona hai zamaane ko ha'nsaane ke liye..... *
Mera rona hai zamaane ko ha'nsaane ke liye.....
Aur ha'nsta hu'n to bas khud ko rulaane ke liye..!
Kaun si raah-guzar hai ke jahaa'n baith gaye.....
Ham to nikle the kahi'n aur hi jaane ke liye.........!
Chaahne waale u'se shahr me'n kuchh aur bhi hai'n
Rah gaya mai'n hi faqat naaz uthaane ke liye.......!
Raat ke pichhle pahar dard ne a'ngdaayi li............
Subh-dam aa gaye kuchh khaab jagaane ke liye...!
Is me'n yaade'n hai'n, kayi khaab hai'n, tasweere'n hai'n
Eik kaaghaz ka jo tukRa hai jalaane ke liye............!
DauR kar ham tere kooche me'n chale aaye hai'n...
Do qadam tu bhi baRha haath milaane ke liye........!
Us ki yaado'n ka chaman lut gaya, barbaad hua......
Qatra-e-ashk bache aag lagaane ke liye.................!
Door tak shahr me'n phaila hua sannata hai............
Aao ham log chale'n shor machaane ke liye............!
Aao ab apne a'ndhere ki taraf laut chale'n..............
Ab to kuchh bhi na bacha sunne sunaane ke liye......!
Phir wo'h ehsaan jata kar gaya is baar 'Shamim'......
Ham to samjhe the ke aaya hai manaane ke liye......!
 
Comments


Login

You are Visitor Number : 417