SAFAR-E- KARBALA

( Imam Husain ka Madin-e se Karbala ka Safar)

By Syed Iqbal Rizvi "Sharib"

Safar hai aur ghar chutn-e ka gham bhee
Hain ham rah-e safar sab muhtaram bhee

Panah-e dee-n jo hai khud be panah hai
aur us per hain zaman-e ke sitam bhee

Chalo Asghar tumhein chalna padega
Bahen Sughra kee gar aankhein ho num bhee

Mahajir bhee hain aur naasir bhee maula
Buland rakheinge Islami alam bhee

Yazeedo Shimr -o ibn-e Saad-o Hurmul
pasheman ho gaya unse sitam  bhee

Mera Maula karega zabt-e kaamil
Nikal jayee agar Akbar ka dum bhee

Sitam be inteha lafzon se bahar
Tera aajiz hua Sharib qalam bhee.

****