AKHUWWAT---Ba haaal-e Maula Abbas

Yeh bataya ke akhuwaat kya hai,
Bhai se Bhai keee ulfat kya hai

Badh sak-e sun ke jo naam-e Abbas.
Dushman-e deen kee himmat kya hai

Ek khat, woh bhee mahaz nazron se!
Uskee kuffaron mein dahshat kya hai

Bibi Zahra ne Dua-ein dee hain,
Mere Abbas kee azmat kya hai

Gham nahin lakh hon do lakh udoo
Hain jo Abbas to diqquat kya hai

Walwal-e jang ke chor-e toon-e
Aur bataya ke ita-at kya hai

Nusra-te Sha-h thaa tera nasbul-ain
Is-se badh kar koee nusrat kya hai.

Chor kar daman-e itrat khush hai
haa-i naadan tery Qismat kya hai

Achch-e logon kee sataish karna
shirke kya ismein aur bidaat kya hai

Uska imaan nahin imaan Sharib
Jo kah-e Ajr-e risaalat kya hai ?
****