Salam
by Syed Iqbal Rizvi "Sharib"


Wasf-e Ali ba lafz-e Khuda , hum se poochhiye
Aisee Kuch Ayaton ka pata ,hum se poochchiye

Duniya k her maraz ki dawa ,hum se poochchiye
wirde Ali hai kull-e shifa , hum se poochchiye


baatil ka qad hee kitna hai, huq kee nigah mein
Asghar ne muskura k kaha ,hum se poochchiye

ye kis ne Hur ko arsh ka taraa bana diya
Fitrus ke bal-o par ki dawa ,hum se poochchiye

Khwaja ne char misron mein elan kar diya
Kyun hai Husain ,deen ki bena ,hum se poochchiye

waqt-e akheer josh se Meesam ne ye kaha
Madh-e Ali mein kya hai maza ,hum se poochchiye

Karbo-bala se deen ki taajdeed kyun huee
Zainab ne badh ki dee ye sada ,hum se poochchiye

Sharib ,se baad-e asr ki saffakiyan na pooch
Bolee ye arz-e Karbobala, hum se poochchiye

***********************