Ahmed Yusuf 

Dr Ahmed Yusuf(1930-2008) was born Syed Usman Ahmad Yusuf at Patna,The first collection of Dr Yusuf’s short stories ‘Roshnai Ki Kishtiyan’ (1977) was followed by ‘Aag Kay Hamsaiy’ (1980), ’23 Ghamtay Ka Shehar’ (1990) and ‘Razm Ho Ya Bazm Ho’ (2004). ‘Mehfil Mehfil’ and ‘Dil Kay Qareen Rehtay Hain’ (2007). 

Starting his literary career in the late 1940s during the heyday of the Progressive Writers Movement and the golden age of the Urdu short story some of its glory of that period rubbed off on Ahmad Yusuf. 

Dr Ahmed also translated voluminous books from English and Hindi into Urdu. To name a few ‘Eight Lives’ by Raj Mohan Gandhi, ‘Jinnah of early Days’ by Sarojni Naidu and Study of one Sikh guru. 

Furthermore, Dr Ahmed recompiled ‘Hasrat-e-Tameer’ by Akhtar Orainwi. The first edition of the novel was worn out and illegible. 

Working in association with Patna’s Khuda Baksh Library Dr Ahmed published ‘Bihar Urdu Lughat’, in 1993, a collection vocabulary of more than 3,500 words and idioms, with references. 

His doctoral dissertation was completed in 1996 that traces the social background of characters in six major Urdu novels, beginning with the classical Islah Un Nissa, and also including the now forgotten. 

 احمد یوسف 

سید عثمان یوسف ( قلمی نام : احمد یوسف) ولدسید محمد یوسف ( وکیل) صدر گلی پٹنہ سیٹی کے آبائی مکان میں تعلیمی سند کے مطابق 10 ؍ جنوری 1931 کو پیدا ہوئے ۔ ان کے دادا حاجی سید عبد اللطیف زمیندار تھے مگر والدنے اعلیٰ تعلیم حاصل کرنے کے باوجود تجارت کاپیشہ اختیار کر لیا۔ ایک عرصے تک ان کی سائیکل کی دکانپٹنہ کی اہم دکانوں میں ایک مانی جاتی رہی۔ مگر رفتہ رفتہ کاروبار سمٹتا گیا اور احمد یوسف کے بعد کی نسل نے عام طور سے ملازمت کی طرف رخ کر لیا۔ ان کے والد شاعر تھے مگر ان کا کلام محفوظ نہیں رہ سکا۔ کہا جاتا ہے کہ انہوں نے ’’ شکوہ‘‘ کا منظوم انگریزی ترجمہ بھی کیا تھا جو شائع نہ ہو سکا۔ ممکن ہے خاندان کے پرانے کاغذات میں کہیں محفوظ ہو۔

 احمد یوسف کی ابتدائی تعلیم اپنے دادا اور والد کی نگرانی میں ہوئی۔ کچھ دنوں کے لئے مدرسہ عالیہ کلکتہ میں داخلہ لیا۔ اور ۱۹۳۷ء میں والدہ کی وفات کے بعد مستقل طور پر پٹنہ کے آگئے۔۱۹۴۴ء میں محمڈن اینگلو عربک ہائی اسکول پٹنہ سیٹی سے ہائی اسکول کا امتحان پاس کر نے کے بعد علی گڑھ مسلم یونیورسٹی سے بی ایس سی کی ڈگری حاصل کی۔ ایک عرصہ تک تعلیمی سلسلہ منقطع رہا۔ پھر ۱۹۸۶ء میں مگدھ یونیورسٹی سے ایم اے اردو اور ۱۹۹۵ء میں پٹنہ یونیورسٹی سے پی ایچ ڈی کیا۔ ( چوں کہ احمد یوسف کی تاریخ پیدائش اور تعلیم کے سلسلے میں مختلف کتابوں میں الگ الگ تفصیلات درج ہیں۔ اس لئے ڈاکٹر شکیب ایاز نے مرحوم کی اہلیہ سے ان تمام امور کی تصدیق تعلیمی اسناد کے مطابق کی ہے)

۱۲؍ اکتوبر ۱۹۹۵ء سے ۱۱؍ اکتوبر ۱۹۹۸ء تک وہ بہار اردو اکادمی کے نائب صدر رہے انہیں اردو زبان و ادب کی خدمات کے لئے بہار اور بنگال کی اردو اکادمویں سے ادبی انعامات و اعزازات دئیے گئے۔ ان کی افسانہ نگاری پر ایک تحقیقی مقالہ لکھ کر آصف سلیم نے پٹنہ یونیورسٹی سے پی ایچ ڈی کی ڈگری حاصل کی ہے۔ وہ ایک عرصہ تک خدا بخش اورینٹل پبلک لائبریری کے مشاورتی بورڈ اور بہار اردو اکادمی کی مختلف سب کمیٹیوں کے رکن رہے۔ ہند و پاک کے مختلف  رسالوں میں ان کی افسانہ نگاری سے متعلق مضامین اور خصوصی گوشے شائع ہوئے۔ جون ۲۰۰۸ء کے اوائل میں بیمار ہو کر کچھ دنوں اسپتال میں داخل ہوئے۔ صحت یاب ہو کر واپس گھر آنے والے تھے کہ دل کا جان لیوا دورہ پڑا۱۷؍ جون ۲۰۰۸ء کو وفات پائی۔ اور دوسرے دن شام اپنے آبائی قبرستان واقع خواجہ کلاں پٹنہ سیٹی میں مدفون ہوئے۔

 احمد یوسف کی ادبی زندگی کا آغاز ۱۹۴۸ء سے ہوا اور وفات سے چند ہفتہ قبل تک ان کا قلم فعال رہا۔ ابتداء میں وہ ترقی پسند تحریک سے متاثر تھے اور انہوں نے بعض دوستوں کے ساتھ مل کر پٹنہ میں انجمن ترقی پسند مصفنین کی ایک شاخ بھی قائم کی تھی۔ ان دنوں کم و بیش تین سال تک وہ ع ۔ یوسف کے نام سے لکھتے رہے مگر بعد میں سہیل عظیم آبادی کے مشورے پر احمد یوسف کا قلمی نام اختیار کر لیا۔ اور اسی نام سے سہیل صاحب کی ادارت میں نکلنے والے رسالے’’ تہذیب‘‘ پٹنہ میں چھپنے لگے۔ اس اعتبار سے انہوں نے کم و بیش ساٹھ سال تک افسانے لکھے۔ افسانہ نگاری کے علاوہ انہوں نے ان کے بعض مضامین بھی ہند و پاک کے اہم رسالوں میں شائع ہوئے مگر بنیادی طور پر ان کی شناخت ایک فکشن رائٹر کے طور پر رہی۔ ان کی تصنیفات و تالیفات کی ایک مختصر سی فہرست درج ذیل ہے۔